కోడలు పాట
పుట్టింట్లోమహారాణిలా పెరిగిన అమ్మాయి ,అత్త గారి ఇంట్లో చాలా కష్టాలు అనుభవిస్తుంది ,అత్తగారు తోడికోడలు, భర్త ఆమెను హింసిస్తూ ఉంటారు .ఆమె బాధతో ఏడుస్తూ ఉంటుంది ,అప్పుడు ఈ పాట:
పాట 2
ఏడవ కమ్మా చిన్నారి ,రేపటి రాజ్యానికి నువ్వే రాకుమారి కన్నీరొద్దమ్మా ,నవ్వవే ఒంటరి చిలకమ్మా !
అండగా ఉండే భర్త కాడు, ధైర్యం చెప్పే తండ్రి రాడు, నిన్ను ఎంత తిట్టినా,హింస పెట్టినా
మౌనంగా భరించడమే నీ ఆయుధం ,ఇది నీకు దేవుడు ఇచ్చిన శాపం .
విధి నిన్ను వెక్కి రించిన, కాలం నిన్ను కాటేసినా,
ఏడవ కమ్మా చిన్నారి ,రేపటి రాజ్యానికి నువ్వే రాకుమారి కన్నీరొద్దమ్మా ,నవ్వవే ఒంటరి చిలకమ్మా !
గడపదాటితే కాలనాగులు, అడుగడుగునా విషపు కాట్లు, తగదమ్మా నీకు, గడప దాటి పోకు!
వస్తాడమ్మా వారసుడు,నీ కడుపున పుడతాడు,
తల్లికి శాపం వదల్చిన గరుత్మంతుడు ,శత్రువుల గుండెలు చీల్చే సంజయుడు !
కాలం నీపై కన్నెర్రజేసిన ,కష్టం నీపై నిప్పులు కురిపించినా,
ఏడవ కమ్మా చిన్నారి ,రేపటి రాజ్యానికి నువ్వే రాకుమారి కన్నీరొద్దమ్మా ,నవ్వవే ఒంటరి చిలకమ్మా !
ఆ ఇంట్లో మహా రాణి లా పెరిగావు, ఈ ఇంట్లో బలిపశువు అయ్యావు.
అమ్మ అవ్వాల్సిన అత్త ,అపమృత్యువు అయ్యింది ,తోడుగా ఉండాల్సిన తోడికోడలు ,తోడేలు అయ్యింది
!మామ కి నోరు రాదు ,భర్తకి మనసు లేదు .
మేఘాల వంటి నీ కష్టాలు కరగక తప్పదమ్మా,
ఆనంద చినుకులు నీపై కురవక మానవమ్మా!
నీ గ్రహణం వీడక తప్పదు ,సంతోష సూర్యుడు రాక మానడు.
ఏడవ కమ్మా చిన్నారి ,రేపటి రాజ్యానికి నువ్వే రాకుమారి కన్నీరొద్దమ్మా ,నవ్వవే ఒంటరి చిలకమ్మా !
నీ ఓర్పు కి భూమి చలించింది,నీ కన్నీటిలో సంద్రం ఉప్పొంగింది .
నిన్ను వేధించే వాళ్లకు లేదు మనసు ,
వాళ్లని ఏం చేయాలో పైవాడికి తెలుసు!
ఆకాశం విరిగినా, పిడుగులు పడినా,
సహనం కోల్పోకమ్మా, సాయం వస్తుందమ్మా !
ఆకలి నీకు జోల పాడగా ,నొప్పి నిన్ను జోకొట్టగా, హాయిగా నిద్రించు ,అందులోనే ఆనందించు!
ఏడవ కమ్మా చిన్నారి ,రేపటి రాజ్యానికి నువ్వే రాకుమారి ,కన్నీరొద్దమ్మా ,నవ్వవే ఒంటరి చిలకమ్మా !
Comments
Post a Comment